انا عندى ريفيو عن شركه objects ،بصراحه اترددت كتير قبل مكتب ال ريفيو عن الشركه لعل وعسى صحابها يفوقو ولكن بلا اى جدوى.. الشركه دى كانت من كام سنه محافظه ع سمعتها جدا وكانو بيطلقو عليها objects family والحقيقه احنا مش family خالص كل الكلام الى بيتشاف ده مجرد شو لا وكمان قل جدا عشان المعامله هناك بقت مجرد مكسب وخلاص والناس الى شغاله مجرد عبيد للاداره... انا هقول كام نقط بطريقه مختصره ١- زياده المرتب الثانويه بتكون اقل حاجه يعنى كل فرد بيزيد فينا سنويا ٣٠٠ جنيه ل ٥٠٠ جنيه وعلى حسب بقى انت وعلاقتك بمديره الشركه تقبل تزودك تانى لما تعترض او تقولك بالسلامه �� ٢- التويليت الى هو يعتبر اقل حاجه ادميه ف الشركه متحددلله شهريا نسبه معينه م المناديل ولو خلصت ف اول اسبوع ففاكس المناديل احنا كافراد نتصرف فيها هما ميجبوش ٣- الصابون عشان ميخلصش بسرعه بيزودوه مايه حتى ف الفتره السيئه الى احنا فيها والوباء المنتشر
المفروض احنا كشركه قانونها ان المشروبات عليها...لو اى مشروب او سكر خلص ممكن نستنى بالاسبوع لحد م الأوفيس بوى يتكلم مع المديره فترضى علينا وتجيب لينا كيس سكر لحد اخر الشهر ��(مع العلم احنا يعتبر ٦٠ فرد ف الشركه) ٤- احنا شغالين بنظام التايمر( ومطلوب مننا نوقف التايمر وقت الصلاه والتويليت)��ع حد علمى ان اى مكان بيكون عايز يوقف التايمر وقت الاكل او side talks بس ولكن هناك القانون غير وبيتقال عشان خاطر الوقت بتاع الشركه ميروحش ع الفاضى وان المكاسب الثانويه هتتغاد عليكم بزياده ثانويه محترمه ولما استنينا الزياده لقيناها ٣٠٠ جنيه و ٥٠٠ ��
المفروض احنا كشركه قانونها ان المشروبات عليها...لو اى مشروب او سكر خلص ممكن نستنى بالاسبوع لحد م الأوفيس بوى يتكلم مع المديره فترضى علينا وتجيب لينا كيس سكر لحد اخر الشهر ��(مع العلم احنا يعتبر ٦٠ فرد ف الشركه) ٤- احنا شغالين بنظام التايمر( ومطلوب مننا نوقف التايمر وقت الصلاه والتويليت)��ع حد علمى ان اى مكان بيكون عايز يوقف التايمر وقت الاكل او side talks بس ولكن هناك القانون غير وبيتقال عشان خاطر الوقت بتاع الشركه ميروحش ع الفاضى وان المكاسب الثانويه هتتغاد عليكم بزياده ثانويه محترمه ولما استنينا الزياده لقيناها ٣٠٠ جنيه و ٥٠٠ ��
٥/ لو فى اجازه رسميه مش ع هواهم زى مثلا يوم الاعصار الى كان اجازه رسمى ...الhr مجرد منظر لن يستطيع اتخاذ اى قرار لحد لما الاداره تتكلم ( وكان ردهم انه لا يوم عمل عادى وده هيوقف بروسس الشركه ولما تم الاعتراض اتقال من الاداره لينا ( انا ليا الحق قانونا انزلكم ف غير ايام العمل) ولما اشتغلنا والشركه لقت منظرها مش حلو قالت ابقو خدو يوم بداله بعدين بقى ����
٦- بالنسبه الاجازات لغو قانونها اننا لينا ٢١ يوم لا خلو كل شهر بينزل ايام معينه ولو الشخص مخدهاش خلال الشهر هتروح عليه���� يعنى بينزله يومين ف شهر ٣ وبعدين يومين ف شهر ٤ ممكن يجمعهم ف ٤ وياخدهم بس لو جه شهر ٥ هيلقى رصيد إجازاته يومين بتوع ٥ بس��
٧- اداره الشركه لما بتوقف مشاريع معينه بتمشى ناس م الشركه فجاه مع ان مفيش اى عقد لما جم اشتغلو معانا انهم شغالين ع البروجكت الفلانى ولكن لما البروجكت انتهى تم إبلاغ زميله لينا بانها تحضر نفسها خلال ٢٠ يوم انها تتفضل تمشى �� والسبب أن البروجكت بقى فالقاهره لو تحب تروح تتفضل لو متحبش فتمشى�� مع ان شغلها مكنش ع البروجكت ده بس وحتى لو ده بس هما مدوهاش اى فرصه تشوف غيرها هو ال فرق مصلحتهم فقط لا غير وكلمه فاميلى دى مكنتش مؤثره لان ال family عمرهم مهيعملو ف بعض كده��
٨- لما زميل يطالب بحقه انه خايف ع نفسه م المواصلات والترام ف ظل الوباء ده فيكون الرد عليه ان فيه شيخ قال الى بيموت بالكرونا يبقى شهيد!!! انا عايزه افهم هو طبيعى احنا نحس اننا عبيد للدرجه لمجرد ان الشركه بتبص لمصلحتها بس!!
٩- ولما يتوافق ع شغل م البيت بيتوافق بس للى عندعم بروسس يقدرو يقدموه ويتتابع لكن لو حد شغله مش فى تاسكات بصفه دايمه فدول حتى لو حوامل او امهات يتم رفض شغلهم م البيت الا لو ياخدوه اجازه م غير مرتب ���� وده طبعا عشان الشركه متغرمش وبلا بلا بلا ( ومقدرش انكر انهم هيبداو يشغلو الناس م الببت الاسبوع الجاى عشان مكنش ظلماهم �� بس بدل منشتغل ٧ ونص كالعاده لا هنشتغل ٨ ساعات ومطلوب ناخد ساعه بريك عشان نزود البروسس )������ ١٠ - طبعا قانونا معروف قانونى ف اى شركه ان قانون نظام الوضع حاجه ثابته...الشركه بيتم تعاملها مع اجازات الوضع ان الموظفه تاخد نص الشهر لمده ٣ شهور ولما ترجع تاخد باقى فلوسها ع ٣ شهور تانين ( عشان يضمنوا ان الموظفه هترجع تانى ولو مرجعتش ميكنوش خسرو كتير) ����
١١- الاجازات الرسمية مش بناخدها كلها بيختاروا منها أيام وأغلبها أيام أجازات سبت وجمعة علي الرغم انها اجازات رسمية ونازل بيها قرار للقطاع الخاص وكل الشركات بتاخدها ( هما هناك المديره بتختار ايام ايه تنزلهالنا وايام ليه لا كل اول سنه قال ايه عشان يدونا يوم زياده ف العيد������ وتكون هى مختاره الايام الى أغلبها جمعه وسبت)
١٢-الاوفر تايم او شغل الاجازات مش بيتاخد الضعف زي بقية الشركات لا بيتاخد الساعة بساعة عادي وبيتحسب ف الاخر اقل من تمن الساعة ف اليوم العادي
١٣- لما حد بيتعب وبيكون جايب شهاده مرضيه او انه هيتحجز او او بيكون الرد عليه انا قانونا اقدر امشيك لو غبت اكتر م ٣ ايام فانت ليك عندى ٣ ايام والباقى ع حسابك ���� ( نسيت اقول ان المديره محاميه فبتحب دايما تتكلم بالقانون واتمنى محدش يشوف انى بتكلم عليها استقصاد ليها لا طبعا بس هى الى مدخله نفسها ف كل القرارات باسمها حتى ال hr يعتبر اتتجابو لما طالبنا بده بس ) وف حين لو حد من الموظفين ويكون قرايب او اخوات المديره وصاحب الشركه فدول عادى جد ياخدو اجازه شهر بحاله ��( يحضرنى مشهد وعشان له قرايب مهمييين ����)
١٤- لما بيحصل ظروف عند اى حد حد م اهله تعب او توفى وبيطالب باجازه حتى لو من الحساب بتاع المرتب بيترد عليه ان اكتر حاجه يومين تاخدها( وكمان بيكونو من إجازاته مش منها) وان لو كترت عن كده فللاسف فيها فصل فشوف انت عايز ايه فطبعا الشخص يفضل بين أهله وبين الشغل عشان القانون �� وعشان احنا اوبجكت فاميلى اوى �� انا لو فضلت اتكلم عن عيوب المكان ده هزهق وانتو هتزهقو البوست ده مجرد تنبيه للاداره ان فعلا الناس اتخنقت وبقو بيتكلمو وكله عايز يمشى من كتر المعامله الوحشه الى بتعاملوها للناس من ذل واهانه عشان متأكدين ان الناس معهاش مكان تانى بس صدقونى يوم مهنلاقى هنمشى .. اكيد انا واخده احتياطاتى عشات ملاقيش كومنت من محاميه الشركه تقول هوصلك واجيبك لان حتى لو ده حصل ف
ف انا قانونى مغلطتش ف حد ولا شتمت ف حد كلها مواقف حقيقيه ولو شفت كومنت كده يبقى معناه انى كتبت حاجه سيئه ف حقكم ومفتكرش انكو هتشوفو الى كتبته سيء لان طالما بتنفذوه ف انت شايفينه حق الله وعدل وعشان كده من حقى اشوف كومنتس الى هو ليه بتعاملونا كده مش كومنت تهديد ❤️
ييَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِي السلام عليكم ورحمة الله .. انا محامية الشركة الشريرة اللى الاخت العزيزة بتتكلم عنها وهرد امام ربنا اولا واخيرا على كل اتهام وجهتة للشركة او ليا 1. لما يكون الزيادة السنويه مبنية على مستوى وتقييم كل شخص خلال السنة و3 ولا 4 يزيدوا بالارقام المذكورة بقى التعليق دا وعلى العكس اغلب الشركة تزيد 1000 و 2000 و اكثر من 3000 كل واحد حسب مستواه وفي نسب اكتر من 50% خلال السنة يبقى فى مشكله عندك فى المستوى وما اعتقدش ان فى حد بيقول ان الشركة المفروض تزوذ كل الناس باختلاف مستوايتهم بنفس الارقام 2. معلومة جديده بالنسبه لك احنا البادجت عندنا مفتوحه سواء للمناديل او المشروبات او غيرها وفى مخزن جوا الشركة في رصيد من المناديل وغيرها واغلب اللى موجود في الشركة عارف وبيشوفنى قد ايه انا بعمل مشكله وبتضايق (ودايما بقول مش عايزه حد يتضايق فى الشركة بسبب حاجه زي كدا وهما موجودين ويشهدوا اما ربنا ع كلامى) لما بلاقى اى حاجه من دى ناقصة ... وكون ان مسئولين وضع المناديل او البوفيه بيقصروا فى ابلاغى لو حاجه من المخزون خلصت فانا اعترف انى متحملة المسؤولية معاهم لكن دا وارد انه هيحصل فى اى شركة عددها كبير عن دون قصد 3. بصراحة دى اكتر نقطة فجأتنى وضحكتنى صابون ايه اللى هنزوده مياه علشان نوفر 5 ولا 6 جنيه ؟؟؟؟؟ الصابون اللى بستعمله مع الناس هزوده مياه ؟؟ لو كنتى فعلا ببتشهدى بالحق كنتى وضحتى مثلا الشركة بقالها كام اسبوع من وقت ظهور الوباء ومن قبل ما الناس تنتبه ليه جبنا مطهرات عاليه ووزعناها فى الشركه علشان الناس تستخدمها خوفا على صحتهم دا انا بقالى شهر بلمع واطهر بنفسي حتى الاسانسير بتاع العمارة علشان ماتلمسوش حاجه تضركم .... ويشهد زملاء لينا فى الشركة ع الكلام دا شافونى وانا بعمله بنفسي قدام ربنا
لما كنا من اول يوم فتحنا الشركه وقت الصلاة والحمام مفتوح ع حساب الشركة وكانت الناس بتصلى وترجع تكمل فقط كانت الدنيا كويسه لكن لما يجيلى شكوى من اكترررر من زميل عن سوء استخدام المسجد اوقات الصلاة وتحويلة لكافيه يستمر القاعده فيه لاكتر من نصف ساعه مع كل صلاة وعدم رغبة باقى الناس انها تسمع الحكايات الشخصيه وغيرها يبقى من حق الشركة اعتقد انها تكنترول الموضوع وتحدد الصلاة بالبريك 5. مش عارفة ادارة ايه اللى قالت انا ليا الحق قانونى انزلكم في غير ايام العمل فى حين ان انا كنت اجازة اصلا اليوم دا ولو كان في ارتباك فى الشركة بسبب القرار المفاجئ والتزامات الشركة اليوم دا ومع ذلك مجرد ماعرفت واتاكدت انه قرار قانونى انا ماترددتش ثانيه وانا فى الاجازة انى ابلغ الناس ان الاجازه رسميه وعلي الشركة هل خطأ انى اول ما عرفت بقرار مش صحيح انى صححته فى نفس الوقت مراعة للناس وظروفه؟؟؟ا 6. النقطه دي من اكتر النقاط اللي بتاكدلي انك يا مش معانا فى الشركة يا مش فاهمه... لما نطلب من التيم عندنا يوزع اجازاته ع السنه كلها وما يجمعهاش كله في الشهر 12 زي كل سنه وليه الحق طبعاااا انه يعمل البلان بتاعته زي ماهو عايز وما يوزعهمش المهم ان الشركة كلها ماتطلبش اجازه في اخر السنه وطبعا ال 21 يوم كاملين زي القانوني .. كدا يبقي انتي مش عارفه حاجه...... 7. معلومه اخري ماتعرفيش عنها حاجه.. لما تكون موظفه شغاله في مشروع ويتنقل لتيم اخرر ويتعرض عليها تروح مع التيم او تشتغل من البيت وترفض ولما نكون لاخر وقت مش عايزين نأذيها فنبلغها انها لو عايزه تشتغل من البيت مع الاحتفاظ بوجدها في الشركة وهي برده ترفض ويكون ردها انها عايزه تشتغل في نوعية شغل مختلفه فتفضل تشوف فرصه تانيه يبقي دي مش مشكلة الشركه 8. ماعنديش رد غير ان احنا بالفعل اخدنا قرار من قبل كلامها دا باسبوع ان احنا ورك فروم هوم وبدانا نطبق الكلام تدريجيا دا لحد ما اخدنا القرار النهائي وحاليا احنا بنشتغل من البيت بالفعل يبقي ازاي مش فارق معانا صحة الناس؟
9. لما احنا اللي نتصل باغلب الحوامل والحالات اللي مناعتها قليله ونبلغهم يكملوا من البيت من نفسنا علشان ماينزلوش الشركة ومانشغلش ولا واحده حامل او مناعتها ضعيفه من فترة كبيرة يبقي حسبي الله ونعم الوكيل في الكلام المكتوب دا هو المفروض ان احنا نقعد البيت نلعب من غير بروسس ولا طبيعي ان احنا نطلب نزود البروسس علشان شركتنا كلنا ماتقعش؟؟ هو لو حد شايف ان غلط ان احنا نطلب زيادة البروسس من غير مانأذي حد ولا نيجي على حق حد يبقي ماعنديش رد - لما يطلب اكتر من شخص بعد قرار العمل من المنزل انهم يستمروا في العمل فى الشركة والاادارة تبلغهم برفض الطلب خوفا ع صحتهم يبقى احنا اكيدددد فارق معانا صحة الناس هو ازاي انتي بتقولي احنا بلغنا الشركة كلها تشتغل من البيت وفي نفس الوقت اختارنا ناس محدده تشتغل؟؟؟ مش عارفه بصراحه 10. لاتعليق )اسالي في باقي الشركات واعرفي بيحصل ايه 11. بجد مصدومه من الكلام دا... لمامن يوم فتحنا الشركه الناس اقترحت انها تبدل الاجازات الرسميه وتاخد بدلها اجازات تانيه مش رسميه ووافقنا علشان نرضي الناس وفضلنا كل سنه نعمل تصويت ع الاجازات والناس هي اللي تختار اجازتها ولما العدد بتاع الناس زاد خلينا اختيار الاجازات راجع للليدر وكل سنه بيبلغوا بالاجازات وبيتوافقة عليها مباشرة من غير اي تدخل مني ولما السنه دي لقينا الوضع فيه ضغط لاختلاف اراء الناس بسبب كثرة عددهم اخدنا قرار ان احنا هناخد كل الاجازات الرسمي بالكاااامل من غير تعديل ومن اول يوم في السنه متعلق ايام الاجازات الرسميه كامله ومبعوت بيها ايمل للناس ... يبقي فين الكلام دا دا كلام في حقي اني بتعمد اختيار ايام الجمعه والسبت علشان اظلمكم ودا مش صح وانا هستناه عند ربنا 12. لما نكون بنتخانق مع الناس اللي بتشتغل زياده كل شهر وبناكد ان احنا ضدد الاوفر تايم علشان صحتك وطاقتك يبقي احنا بنفكر فيك لما يكون الجمعه والاجازات الرسميه بتضرب ف 2 وناس كتير اخدتها كدا يبقي معلوماتك غلط
لما يكون ناس كتير بتيجي تشكرني اني ازاي قدرتهم في تعبهم اكتر من المفروض وانتي تقولي كدا يبقي انتي عندك مشكلة في معلوماتك انتي اتهمتيني اتهام شخصي ان الدنيا حلوة مع اصحابي وقرايبي واشهد الله ان دول اكتر ناس انا باجي عليهم.. لوحد فيهم اخد اجازه بحسبها ع مرتبه . هما اقل ناس بتاخد زيادة ع مرتبهم.. هما اكتر ناس مش بعدي ليهم اي حاجه.. رغم ان كل اللي يعرفني هيعرف اني بحاول اراضي كل الناس الا دول ولان دي حاجه تخصني وفيها ظلم ليا فانا اشهد الله اني خصيمك يوم القيامه امام ربنا ع الكلام دا 14. اخر حالة وفاه حصلت في الشركه لوالد زميله عندنا اكدت ان احنا متحملين 3 ايام ع حساب الشرررركة وسهل جداا االوصول ليها والتاكد منها ودا اللي بيحصل طبيعي عندنا .. مش عارفه ايه اصل الكلام دا اشهد الله اني عمري ما قولت لحد هتاخد فصل لو اخدت اجازه اي ان كان السبب وفاه او مرضي او غيره بالعكس انا كل اهتمامي اني احافظ ع الناس داخل الشركه وع راحتهم احب اقول للاخت العزيزه ان انتي لو فعلا نيتك الاصلاح وكنتي شايفه مشاكل في الشركة بالشكل السئ دا ماجيتيش تحاولي تتكلمي ليه وتحاولي تحليها؟؟ مع العلم ان كل الناس في الشركة عارفه قد ايه انا بطلب من الناس مره وعشرة والف ان اللي شايف حاجه غلط او مشكله يجي يتكلم علشان نحلها... !!!! انتي بتقولي احنا قاعدين في الشركه علشان مش لاقيين مكان تاني.. كل اللي في شركات الاي تي عارفين ان العرض اكتر من الطلب و ان الاماكن المتاحه كتير والكفاءة هي اللي بتحدد في فرصه ليكي او لا.. اذا انتي عندك مشكله في كفاءة عملك ودا اللي وصل ان زيادة مرتبك هتكوون قليله و اللي هيثبت انتي ليه شايفه الشركة وحشه كده في حين ان ناس كتير من الشركة لما شافوا تعليقك بعتولي لما هي شايفه الدنيا وحشه كدا قاعده معانا ليه؟؟ انا ولا هدور عليكي ولا هجيبك لا فارق معايا اصلا اعرف انتي مين ويكفيني وجود الناس اللي بتقدر واللي عارفه قيمة الشركة وعارفه قد ايه احنا بنتقي الله في كل تعاملتنا مع الناس وامام ربنا انا شايفه الناس اللي عندنا كلها محترمه وابتسامتهم وظهورهم الصداقه والحب ليا جميعا في وجهي دا يكفيني ولو انتي واحدة من الشركة وبتبتسمي وتحبيني في وشي ومن ورايا بتقولي الكلام دا يبقي يبقي ربنا بينا مش القانون. . انا اكيد بعترف ان احنا عندنا مشاكل زى اى مكان كبير وكل هدفى من وجودى فى الشركة هو انى احل المشاكل دى واحافظ على راحة وسلامة الناس واحافظ علي نجاح الشركة وتقدمها .. وكنت اتمنى لو كانت صاحبة التعليق ابدت حسن النيه وجت تكمنى فى مشاكله وهى اكيد عارفه ومتأكده انى كنت هبذل اقصى جهد لحل المشكله واخيراا اشهد الله ان ادارة اوبجكتس جميعا بتتقي الله في معاملتها لكل فرد في اوبجكتس ودايما بقول للناس احنا بنعمل ربنا ومش عايزه حد يدعي علينا لما نموت
السلام عليكم مبدئيا أنا مش من الشخصيات إللي بتحب تعلق على بوستات كتير بس حقيقي الكلام إستفزني جدا أنا بشتغل في الشركة دي من حوالي 4 سنين و بالمناسبة أنا لا قريبة المديرة ولا ليا أسهم في الشركة �� اوبجكتس تعتبر اكتر مكان أنا إشتغلت فيه .. إشتغلت قبل كدة في شركتين آكتر واحدة قعدت فيها سنة ونص ومقارنة بالشركتين دول وبإللي بسمعة من أصحابي في شركات برة فالمكان مش بالسوء إللي صاحبة البوست بتحاول توصله للناس كل مكان ليه عيوبة ومميزاته وكونك داخلة تتكلمي في عيوب بس بعضها مش صحيح وبعضها معروض بشكل يبان منه عكس معناه فإنتي داخلة قاصدة إنك تشوهي صورة المكان
الإدارة سواء المديرة أو صاحب الشركة نفسه عمرهم ما اتأخروا عن حد عنده مشكلة دخل أتكلم معاهم فيها ولو بيحصل أخطاء في بعض المواقف فأحنا بشر مش ملايكة وزي ما بنتكلم وبنطالب بحقوقنا نتأكد الاول إذا كنا عملنا إللي علينا ولا لا ولو آنتي متضايقة بالشكل ده من المكان ولسه مستمرة فإنتي بتظلمي نفسك وبتظلمي أصحاب المكان معاكي
انا موظفة في شركة اوبجيكتس بقالي تلت سنين وعايزة أوضح بعض النقط اولا: باب كل فرد من أفراد إدارة الشركة دايما مفتوح للناس وفي كل الأوقات بمعني أن أي شخص عنده مشكلة يقدر يدخل يتكلم فيها في اي وقت بدون وضع اي قيود علي الوقت اللي يتكلم فيه وبدون ما اي حد يحجر علي رأيه ودة مش موجود في أماكن كتير مش دايما المديرين بيكونوا متاحين طول الوقت
ثانيا: بالنسبة لحالات الوفاة والظروف الخارجة عن إرادة الشخص زي المرض من تجربتي الشخصية كان فيه دايما مراعاة للظروف اللي بمر بيها وعمر ما تم رفض أجازة أو إذن ليا في اي ظرف من دول ومش بس كدة انا كنت دايما بلاقي دعم من إدارة الشركة ليا في اي ظرف ودايما بيكونوا متواجدين في اي عزاء ثالثا: طبيعي جدا أن الصلاة ودخول الحمام دة خارج ساعات العمل دة غير أن الشركة مش بتفرض علينا وقت معين للبريك ومن حق اي شخص يقوم في الوقت اللي يناسبه للصلاة ودخول الحمام والأكل وحتي الترفيه بس منطقي أن دة ميكونش جوة ساعات العمل وخصوصا أن احنا معندناش Time tracking بيراقب الاشخاص بيعملوا اية علي أجهزتهم رابعا: فيه ثقافة اسمها ثقافة الاختلاف والنقد البناء مش عيب أن أي شخص يلاحظ وجود عيوب في المكان اللي هو شغال فيه ويحاول إصلاحها وبما أن إدارة الشركة بتسمع مننا جدا ففين المشكلة المفروض تكون ايجابيين ونحاول نساعد الإدارة عشان نوصل دايما للأفضل لان في النهاية دة مكاننا وكل فرد في مكانه مسؤول خامسا: طبيعي أن كلنا مش زي بعض وظروفنا مش زي بعض ومن حق اي شخص يختار المكان اللي يشوف أن العمل فيه مناسب لظروفه ولو المكان مش مناسب لظروفك كفرد حقك انك متشتغلش فيه لكن من غير تجريح او تشهير
انا بقالي في الشركه اربع سنين وبعتز دايما بوجودي في اوبجيكتس ... لكن الكلام المكتوب متوضح بطريقه غلط والاسلوب لايليق ....انا عايزه اتكلم عن اكتر نقط متعممه : -الاداره بابها مفتوح دايما اي حد فينا عنده مشكله او عايز يتكلم عن اي حاجه مضايقه كلهم اذان صاغيه لينا وبيساعدونا علي طول ...المديره عمرنا ما حسينا انها مديره علينا لكن دايما حاسين انها اختنا ... - من وقت ما جيت الشركه هنا بقالي اربع سنين وفي مبالغ مخصصه علي الترفيه وازاي الشركه بتفكر انها تبسطنا يبقي هل يعقل انهم ميجبوش مشروبات ومناديل لما تخلص!!! - الزياده السنويه بتعتمد علي مستوي واداء كل واحد فينا ... يبقي اكيد الزياده لما تكون قليله اكيد الشخص ده مستواه قليل (اكيد حاله خاصه يبقي ليه التعميم؟! ) - بالنسبه للاجازات ... الشركة إقترحت تنظيم الاجازات بالشكل دة عشان متتراكمش ومنبقاش عارفين نخلصها مش الغرض منها إنهم يضيعوها!!!! -كان الاحسن إنك تراجعي نفسك وتشوفي المشاكل دي سببها الحقيقي إيه بدل ما تطلعي الشركة بالصورة الوحشة دي...
انا من اجدد الناس ال جت الشركة بقالي ٦ شهور بس ف قولت بردو ادخل اكتب علشان يبقي في ريفيو من حد جه علي وضع الشركة الجديد و محضرش معظم الحاجات ال مكتوبة دي ومعظم كلامي موجه لأي حد هيقرأ الكلام ال مكتوب خصوصا لو كان بيفكر يقدم علي شغل في الشركة مثلا و يحاول يكون صورة مغلوطة عن المكان ف عالاقل يشوف راي اخر
اي مكان في العالم في مشاكل لكن بتختلف درجتها و حدتها و الشخص عموما مش مجبر يقعد ف مكان فترة طويلة لو المكان دا مش مناسب ليه او مش بيوفر له بيئة عمل مناسبة ومن كلامك انتي قاعدة بقالك كتير و ماتكلمتيش ف للاسف دي مشكلة كبيرة لانك افقدتي نفسك حقك في ابداء الرأي ف انصحك لو قررتي تروحي مكان تاني تقيمي رضاكي عن وجودك فيه بدري عن كدة.
في كلام مذكور اتقال ف اجتماع حصل من يومين بالظبط و الادارة فيه قعدت تقول زي ما بتقول في كل اجتماع حد حابب يقول حاجة؟ و محدش اتكلم طب ليه نخاف؟
من تجربتي الشخصية ان لما جربت اتكلم مع الادارة في حاجات تخص الشغل لقيت استجابة كويسة جدا وترحيب اتفاجئت حتي ان في اقتراح قولته اتنفذ بعدها بيوم و دايما بيتقالي لو عندك اي اقتراحات تعالي قوليلنا علي طول وبحترم جدا احترامهم لكلامي رغم ان اعتبر من اصغر افراد الفريق سنا.
تاني حاجة و دي بردو معلومة عموما ليكي ف المستقبل الشركات انواع في شركة بتعاملك مجرد موظفةوفي بيعاملك ك فرد مؤثر في فريق و من الفترة ال قضيتها هنا اوبجكتس شركة بتتعامل ان ان كل واحد فيها فرد في فريق كبير من اول المديرين لحد الناس المسئولين عن نضافة المكان الفريق الواحد بيبقي مهتم بمصلحة بعض و مصلحة المكان م مصلحته الشخصية ف لو انتي من الناس ال تحب تكون مجرد موظفة في اماكن تانية كتير كدة ومجال السوفتوير عموما عمره ما يمشي معاه mindset الموظفين الي مش بيطور نفسه في المجال دا بيموت نفسه و بيموت المكان اللي شغال فيه بالبطيء
تالت حاجة: علي حد علمي ان الشركة حجمها كبر فجأة وعدد التيم زاد و دا مش من شيء الا لأن اكيد الشركة بتقدم خدمة كويسة وبالتالي زاد الطلب علي خدماتها ودا بالتبعية هيعمل operation load علي الناس اللي شغالة ف الادارة ف لو قصروا في شىء دا مش معناه ابدا انهم قاصدينه لكن هم بيبقوا مستنيين فريقهم ال بيكبر يقفف معاهم مش يشتكي وخلاص وال بيسرد مشاكل المفروض يكون عنده حلول.
اعتقد بردو ان الشركة عندها اقل معدلات ال turn overعن شركات تانية كتير ف اسكندرية ودي حاجة تدل علي ان في نوع من الاستقرار و بيئة العمل المناسبة وخصوصا ان المجال اصلا معروف ب معدلات turnover عالية
الشركة فيها ناس شاطرة تقنيا جدا السينيورز فعلا مكتبهم مفتوح دايما لكل الفريق ف اي وقت ونادرا لما يكون في شركة الناس فيها بتساعد بعض بالشكل دا وكذلك الادارة. في الاول و الاخر مفيش مكان كامل بس في مكان مناسب لكل شخص وظروفه و حياته ومستواه التقني.. في اماكن ممكن يكون فيها رفاهيات اكتر بس الشغل فيها مش هيطور فيك حاجة وفي شركات شغالة اصلا من اولها ل اخرها ريموتلي من غير اي رفاهيات بس بتنقلك نقلة تانية ف مستواك التقني وانت ال بتختار.
كل مقول هكتب ارجع اقول بلاش والله بس الكومنتس تستحق الرد وكمان عجبنى فكره الكلام هنا لانى معمولى بلوك م اداره الشركه وانا مسحت جزء منها بس 😂 انا بصراحه متضايقه ان الحال وصل بالمكان ده لكده سواء ان الناس توصل للضيق بالشكل ده او أن الحال يوصل لمناقشه عن مشاكل المكان ما علينا انا اشتغلت ف الشركه دى سنه ونص مش محتاجه اقول عن نفسى انى كنت شاطره لانى متاكده من كده وده بشهاده الى اشتغلو معايا بس الميزه ف المكان ده ان فعلا اغلب الناس محترمه جدا وبيساعدو جدا وفكره التيم ورك دى كانت موجوده بشكل لطيف واتمنى يكون موجود لحد دلوقتى ، انا وقت مشكلتى مع شركه اوبجكت محبتش اكتب بوست وقتها لانى وبحق الله كنت مصدومه من الكلام والتصرفات زى منا اكيد كنت بتصرف ف الاخر بشكل همجى ووصلت انى لازم اسبب المكان ده من غير ماخد حقى ، انا مش حابه احكى مشكلتى عشان موضوع ممل ومش هيفرق اعتقد لانه فات ولكن انا هعلق بحق الله ع الى شفته وانا هناك واتكتب م البنوته ال فوق دى عشان انا فى يوم م الايام حسيت نفس احساسها ان كله ضد ى عشان فى شويه اشخاص معينه بيدافعو عن الاداره باستماته ..بعتزر اكيد لكل الى كتب كومنتس هنا بس للاسف انا الاغلب اتعاملت معاه وعارفه انا بقول ايه وفى ناس اكيد كانو كويسين م الى كتبو كومنت فوق ما علينا بالنسبه موضوع التامينات انا فعلا مدخلتش تامينات ولما طلبت من علياء كان ردها عليا انى صغيره ايه يعنى ٢٣ سنه انا ضاع منى اكتر م كده فمش مهم اوى وهو بيتحسب م ال ٤٠ وبصراحه انا اتكسفت وبقيت اسال كل فتره بس ها دخلت ولا لسه لحد معلياء دخلتنى ف فتره تقديم استقالتى عشان أمضى ع استماره ٦ برجعى ٣ شهور فقط من اصل انه ونص فى الشركه، بنسبه زيادات المرتب انا مكنش عندى مشكله فيها ولكن هى كانت فى حدود ال ٥٠٠ جنيه على ايامى فأعتقد ممكن تبقى زادات السنه دى يعنى الله اعلم عشان مفتيش ومقدرش اتكلم عن استاذه علياء اذا كانت بتظلم او لا لانى كنت برضى بالى بخده حتى لو دى مشكلتى بس تمام المهم البنى ادم يرضى وحقيقى نصيحه للبنت دى لو مش عاجبك ممكن تشوفى مكان افضل والأوفر هيبقى عالى عادى بس قصه فلوس عاليه ممكن تلاقى مكاان مش تمام فمش دايما دايما ا بيتقاس ماديا، بالنسبه الحوامل انا ملحقتش زمان الا موضوع الاجازه وفعلا على حد علمى انه كان اجبار النظام ده وان وا ناس اعترضت بس الشركه رفضته وانا بنت فمعرفش الموضوع ده سلبى للحوامل او لا بس فاكره كويس ان ان استاذه عليا عملت ميتنج عشان الموضوع ده وقالت ممنوع حد يتكلم فى المسجد والمواضيع خلاص اتحلت لاصحابها ومن هنا انا اصلا عرفت ان كان فى مشكله للاسف قبلها مكنتش بقعد اسمع المشاكل دى، موضوع الكلينكس ده هو اه فعلا كان بيحصل على ايامى مقدرش انكره ، وموضوع التايمر والصلاه هو اه فعلا ده نظامهم، باقى المكتوب تقريبا انا معرفوش ومتغرضتلوش بس استاذه علياء والبشمهندسات كانت بتقول انهم بيحلو المشاكل ،انا كان قت مشكلتى معاهم كانت مشكله فى التيم بتاعى ولا هى محلتهاش خالص افتكر كان بيتقالى كلام مستفز بس لوجه الله مش فاكره منه الا جمله واحده انى يوم مقصريت امشى هى خدتنى قالتلى انا عارفه ان اى عروسه بتجهز بتبقى محتاجه فلوس وانتى هتمشى من غير اوفر فمعلش!!! يومها طلعت ولعنت السنه ونص وسط الناس الحلوه والتيم والضحك يومها حسيت انى صغيره جدا والله، ولما اتعمل عليا ميتنج كامل بعد ممشيت ،،وبعدها الحمدلله ربنا كرمنى بمكان افضل الدنيا موقفتش يعنى، انا مش حابه ارغى اكتر من كده بس لاحظت ان اغلب الى كانو سبب ف قطع عيشى فالمكان ده هما هما الى بيدافعو عن المكان ده ومعتقدش ان دول الجزء الاغلب فى المكان اكيد زى مفى مرتاحين فى متضايقين..لانى انا كنت من ضمن المتضايقين الى جم عليا المرتاحين ووصلونى اسيب مكانى ،، انا هبلغك نصيحه الحياه مبتقفش ولو مش مرتاحه فى مكان الدنيا واسعه والمجال مفتوح متضغطوش نفسكو للتواجد ف اى مكان لو مش مرتاحين فيه انااخدت الريسك فى يوم انى امشى من المكان ده ومندمتش اد متوجعت مش اكتر فانتى متوصليش نفسك لكده وشوفى حالك يا بيبى، والمكان هيفضل برده كويس بصحابه عادى خالص الدنيا لذيذه برده لان الكومنتس واضحه انهم شايفينك غلط .ربنا يراضيكم بالى فيه الخير ليكم ويصلح حالكم ويكرمككم ع اد نواياكم جميعا يارب انا المكان ده كلت فى عيش وملح فتستحقو الدعوه
انا مش هاتكلم كتير .. لانى ماكنتش جزء من الشركة فى يوم .. بالرغم من انى كنت اتمنى ابقي جزء منها .. والحمدلله ده ماحصلش .... انا ليا صحاب كتير فى المكان اكتر من 10 اشخاص اعرفهم هناك .. كلهم بلا استثناء متضايقين من المكان .. بسبب موضوع الشغل من البيت وانهم ماكنوش راضيين الناس تشتغل من البيت وهايبدؤا من بكره لما لقوا الدنيا بدأت تخرج من ايديهم .. وبسبب موضوع ضعف المرتبات .. و انك عمرك ما هاتاخد حقك غير لما تدور عليه وده الصراحة اوحش حاجه ممكن تحصل فى اى شركة .. الشركة اللى ماتدورش على حقك سيبها وماتفكرش كتير ... انا بشكر ربنا انى ماتقبلتش فى الشركة دى فى انترفيو كان عبارة عن سؤال واحد بس !! وكلنا انا وصحابى جاوبناه غلط .. ماعرفش هما اختاروا على اى أساس !! ولكن انا حبيت اقول للادارة ان ده مش رأي شخص ... ده رأي ناس كتير موجوده ويا اما ترجعوا زى ماكنتوا وتعدلوا الدنيا .. يا اما الدنيا كلها هاتتقلب عليكم
انا واحده من الشركه بقالي 5 سنين و فعلا الشركه من افضل الشركات ف السوق ف التعامل مع الموظفين ع طول بنتعامل ع اننا عائله واحده و ع طول مع بعض ف اي ظروف سواء فرح او عزاء او فسح او خروجات
و لو في اي مشكله بنتكلم مع المديرين و تعاملهم محترم جدا و بابهم دايما مفتوح لاي مشكله
و الشركه دايما بتهتم بالترفيه و الحاله النفسيه للموظف علشان نطلع احسن انتاج
و الاداره عمرها ما اتاخرت ع حد و بخصوص موضوع الشغل من البيت انا واحده كان عندي مشكله ان الانترنت عندي مش stable ف الشركه حلتلي الموضوع ف ساعتها اصلا و انا واحده عاديه بشتغل ف الشركه
و كل الشركات اصلا فيها الكويس و فيها الوحش بس اللي كاتب الريفيو دا كاتب بطريقه مستفزه اوي و قاصد يشوه سمعه الشركه لو اللي كاتب الريفيو دا مش مرتاح او مش مبسوط ممكن تتكلم معاهم او تكتب الريفيو بطريقه بناءه و كلنا حنحترم كلامك و انك عايز تصلح من الشركه
هو انا ال HR الى موجوده في الشركة و جايز هرد لان معظم الحاجات ديه انا شاهدة عليها و ربنا يعلم انه غير صحيح وواضح ان الشخص الى كتب الكلام مش وصل للصورة كاملة
أولا: احنا حاليا كلنا ك موظفين في الشركة بنشتغل من البيت لعل الظروف الى بتمر بيها البلد حاليا تعدى على خير … الموضوع ده الشركة بتخططه بقاله اكتر من أسبوعين من جانب المديرة و الإدارة كلها ف خلال الأسبوعين ده انا كنت مهتمة ان بيئة العمل جاهزة عند كل موظف و اذا كان محتاج حاجه و لا لاء و الشركة توفرهاله و بالفعل ده الى حصل و تم توفير كل السبل الى تساعد كل موظف انه يشتغل من البيت و هو مرتاحه و متوفرله كل وسائل الراحة زى الشركة بالظبط و اكتر …. كل ده تم خلال الأسبوع ده بس علشان الشركة متنزلش موظفين ف ظل الظروف ده على الرغم ان مفيش اى اجبار قانوى او جهه الدولة ان لازم الناس تشتغل من البيت فاعتقد ده لو مكان مش بيقدر و بيخاف على الناس الى معاه مكنش اخد خطوة زى ديه .
ثانيا يشهد الله خلال السنة الى قعدت فيها مشوفتش حد قال هيمشى لو اخد إجازة مرضية او حصله اى ظروف و هيتفصل … ده بالعكس في ناس حصلت ليهم مشاكل مرضية و الشركة تكفلت بيهم كامله و مكنوش قرايب مهمين و لا حاجه
ثالثا: بالنسبة للقرايب المهمين … يحضرنى موقف من السنة الى فاتت لما دخلت للمديرة الى انتى بتقولى عليها ديه و براجع معاها الخصومات كان اول ناس مخصوملهم و من قبل ما أتكلم حتى و كل الشركة عارفه انهم من اخر الناس الى بتروح كل يوم من الشركة بسبب ضغط الشغل .
رابعا: فكرة تنظيم الاجازات و بما انها جزء من شغلى فعلا احنا السنة ديه حطيتنا نظام بحيث كل واحد ينظم اجازاته بطريقة انها متتراكمش لاخر السنة و ده شيء مش مستحب لكل الشركات عموما … المهم في خلال ال3 شهور الى فاتوا كان في ناس بتاخد اجازات بما يتناسب مع حاجه كل شخص و الشركة كانت مقدرة ده جداا حتى ناس كانت بتاخد بال 5 و ال 6 أيام و عادى جدا .
اخيراا الشركة ديه من افضل الشراكات الى ممكن حد يشتغل فيها و دايما اى حد عنده اقتراح او عنده مشكلة من ساعه ما اتعينت و باب الإدارة لاى حد مفتوح و ل صاحب ال review الحقيقة متمش ذكر في اى نقطة ف كلامك انك دخلتى اتكلمتى مع الادراة و الباب اتقفل في وشك او محدش حاول فيهم يحل مشاكلك او اى شيء من هذا القبيل .. لان انتى واضح مأختيش الخطوة ديه و الا كنتى اتكلمتى عليها زى ما اتكلمتى على كل الكلام ده حاجه أخيرة الشركة مخصصه ميزانية للترفيه علشان تحاول تخلى الناس مبسوطة و مترفهه نظرا لطبيعة العمل في المجال ده و بردو في كل مرة كنا بنخرج عن الميزانية علشان نعمل ترفيه كويس و كلنا ننبسط اعتقد ان مفيش مكان عنده مشكلة في حاجات أساسية زى المناديل و الصابون و بلابلا هيصرف فلوسه على الترفيه و اللعب و كل الحاجات ديه .
و حاجات تانى كتير بس هي اترد عليها و اعتقد من الأفضل و من الاخلاق انك كنتى تجى تاخدى الخطوة ديه مع إدارة الشركة جايز كنتى وصلتى للصورة كاملة او الدنيا وضحت شويه و لو كان في مشاكل او اى تقصير صدقينى كانت هتتحل و هتلاقى تجاوب عليها و زى اى مكان في الدنيا في الحلو و فيه المشاكل لكن هيفضل المكان ده بيقدر و بيحترم كل الى فيه من اصغر حد لاكبر حد.
السلام عليكم، اولا شكرا لصاحب الريفيو لتوضيح كل النقاط السلبية دي و لن نقوم بالدفاع او التعليق علي اي نقطة مذكورة رغم ان كثير منها غير دقيق و فيه تحامل واضح. نعترف بوجود بعض السلبيات اللى بالفعل بنعمل حاليا علي حلها و تحسينها في اسرع وقت ممكن. بابنا دايما مفتوح لمناقشة كل المشاكل و نحترم كل افراد فريقنا و نقدرهم ونتفهم مدى الحالة السلبية العامة المؤثرة على فريقنا
واضح اوي ان الناس اللي بتدافع بإستماتة من المرضي عنهم وللاسف دي اسوء حاجة في الشركات المصرية، تاني حاجة واضح ان معظم المشاكل اللي الاخت ذكرتها معمولة فيها استقصاد ومش بتتعمل مع كله.
السلام عليكم انا عارفة ان ردي متأخر جدا بس ان شاء الله يتشاف من اي حد بيفكر يقدم ف اوبجيكتس او بيدور عليها عشان حرام ريفيو زي ده هو اللي يظهر على الشركة انا ف اوبجيكتس بقالي اكتر من ٣ سنين وفعلا من احسن الاماكن اللي اشتغلت فيها على كذا مستوى! معروف ان مفيش مكان كامل و كل مكان هتلاقي فيه عيب بس كل واحد حسب هو بيدور على ايه ف المكان اللي عايزه وايه العيب اللي يقدر يتكيف معاه و ايه العيب اللي لا يستحمل انا بالنسبالي ف المكان ده على المستوى التيكنيكال اتعلمت كتيير وكنت بطلب كمان اتعلم حاجات كانت بتكلفهم فلوس و مش محتاجنها لسة ومع ذلك كانوا بيوافقو والناس اللي اشتغلت معاها ان كانت من نفس التيم او تيمز تانية كلها فعلا من احسن الناس و محدش بيبخل بمعلومة عن حد
و على المستوى الشخصي انا مريت بظروف كتير ف المكان ده و دايما كنت بلاقي تقدير ليا من تعب او حمل او وفاة او حتى بعد الولادة وظروف بنتي .. يمكن ساعة كل ظرف ببقي شايفه انه من حقي بس لما باجي ابص ع الموضوع من بعيد بلاقي كمية ظروف انا مريت بيها و اتوافق عليها كان ممكن اي شركه خاصه تانيه تقولي شكرا من زمان بالعكس محصلش منهم كدة ودايما بيشيلو اللي عنده ظرف و بالنسبة للي مكتوب ففي بعض النقط انا اتعرضلها ونقط عمري مشفتها زي لوازم المطبخ والحمام بالعكس اي حاجة بتكون ناقصة كان لازم تيجي ف ساعتها ولو خلصت بيحصل مشكلة ان متجبش بدالها بسرعة وده حصل قدامي اما النقط اللي اتعرضت ليها زي اجازة الوضع بما اني احتاجت ليها انا اخدها كاملة وطلبت عليها شهر كمان زيادة والموضوع اتوافق عليها بكل سهولة و بالنسبة للمكنش عندهم تاسكات اول موضوع الكورونا و بما انهم امهات ف اخدوا اجازة بدون مرتب بسبب قفل الحضانات ف انا برضه حصلي كدة ومش عارفة لو صاحب الرڤيو يقصدني وانا مطلبتش من حد يكتب مشكلتي بابلك عشان وقتها انا اتكلمت مع الادارة علطول ف موضوعي و كانو بيوصلو معايا لحل وسط يرضيني ويرضيهم وده معناه ان دايما باب الادارة مفتوح لأي حد و أي وقت واخيرا اللي بأكد عليه ان الادارة اي وقت اي حد محتاج او مضايق من حاجة بتسمعه و لو مش ب ايديهم ع الاقل بيوصلو لحل وسط
انا عندى ريفيو عن شركه objects ،بصراحه اترددت كتير قبل مكتب ال ريفيو عن الشركه لعل وعسى صحابها يفوقو ولكن بلا اى جدوى.. الشركه دى كانت من كام سنه محافظه ع سمعتها جدا وكانو بيطلقو عليها objects family والحقيقه احنا مش family خالص كل الكلام الى بيتشاف ده مجرد شو لا وكمان قل جدا عشان المعامله هناك بقت مجرد مكسب وخلاص والناس الى شغاله مجرد عبيد للاداره...
ReplyDeleteانا هقول كام نقط بطريقه مختصره
١- زياده المرتب الثانويه بتكون اقل حاجه يعنى كل فرد بيزيد فينا سنويا ٣٠٠ جنيه ل ٥٠٠ جنيه وعلى حسب بقى انت وعلاقتك بمديره الشركه تقبل تزودك تانى لما تعترض او تقولك بالسلامه ��
٢- التويليت الى هو يعتبر اقل حاجه ادميه ف الشركه متحددلله شهريا نسبه معينه م المناديل ولو خلصت ف اول اسبوع ففاكس المناديل احنا كافراد نتصرف فيها هما ميجبوش
٣- الصابون عشان ميخلصش بسرعه بيزودوه مايه حتى ف الفتره السيئه الى احنا فيها والوباء المنتشر
المفروض احنا كشركه قانونها ان المشروبات عليها...لو اى مشروب او سكر خلص ممكن نستنى بالاسبوع لحد م الأوفيس بوى يتكلم مع المديره فترضى علينا وتجيب لينا كيس سكر لحد اخر الشهر ��(مع العلم احنا يعتبر ٦٠ فرد ف الشركه)
ReplyDelete٤- احنا شغالين بنظام التايمر( ومطلوب مننا نوقف التايمر وقت الصلاه والتويليت)��ع حد علمى ان اى مكان بيكون عايز يوقف التايمر وقت الاكل او side talks بس ولكن هناك القانون غير وبيتقال عشان خاطر الوقت بتاع الشركه ميروحش ع الفاضى وان المكاسب الثانويه هتتغاد عليكم بزياده ثانويه محترمه ولما استنينا الزياده لقيناها ٣٠٠ جنيه و ٥٠٠ ��
المفروض احنا كشركه قانونها ان المشروبات عليها...لو اى مشروب او سكر خلص ممكن نستنى بالاسبوع لحد م الأوفيس بوى يتكلم مع المديره فترضى علينا وتجيب لينا كيس سكر لحد اخر الشهر ��(مع العلم احنا يعتبر ٦٠ فرد ف الشركه)
ReplyDelete٤- احنا شغالين بنظام التايمر( ومطلوب مننا نوقف التايمر وقت الصلاه والتويليت)��ع حد علمى ان اى مكان بيكون عايز يوقف التايمر وقت الاكل او side talks بس ولكن هناك القانون غير وبيتقال عشان خاطر الوقت بتاع الشركه ميروحش ع الفاضى وان المكاسب الثانويه هتتغاد عليكم بزياده ثانويه محترمه ولما استنينا الزياده لقيناها ٣٠٠ جنيه و ٥٠٠ ��
٥/ لو فى اجازه رسميه مش ع هواهم زى مثلا يوم الاعصار الى كان اجازه رسمى ...الhr مجرد منظر لن يستطيع اتخاذ اى قرار لحد لما الاداره تتكلم ( وكان ردهم انه لا يوم عمل عادى وده هيوقف بروسس الشركه ولما تم الاعتراض اتقال من الاداره لينا ( انا ليا الحق قانونا انزلكم ف غير ايام العمل)
ReplyDeleteولما اشتغلنا والشركه لقت منظرها مش حلو قالت ابقو خدو يوم بداله بعدين بقى ����
٦- بالنسبه الاجازات لغو قانونها اننا لينا ٢١ يوم لا خلو كل شهر بينزل ايام معينه ولو الشخص مخدهاش خلال الشهر هتروح عليه���� يعنى بينزله يومين ف شهر ٣ وبعدين يومين ف شهر ٤ ممكن يجمعهم ف ٤ وياخدهم بس لو جه شهر ٥ هيلقى رصيد إجازاته يومين بتوع ٥ بس��
٧- اداره الشركه لما بتوقف مشاريع معينه بتمشى ناس م الشركه فجاه مع ان مفيش اى عقد لما جم اشتغلو معانا انهم شغالين ع البروجكت الفلانى ولكن لما البروجكت انتهى تم إبلاغ زميله لينا بانها تحضر نفسها خلال ٢٠ يوم انها تتفضل تمشى �� والسبب أن البروجكت بقى فالقاهره لو تحب تروح تتفضل لو متحبش فتمشى�� مع ان شغلها مكنش ع البروجكت ده بس وحتى لو ده بس هما مدوهاش اى فرصه تشوف غيرها هو ال فرق مصلحتهم فقط لا غير وكلمه فاميلى دى مكنتش مؤثره لان ال family عمرهم مهيعملو ف بعض كده��
٨- لما زميل يطالب بحقه انه خايف ع نفسه م المواصلات والترام ف ظل الوباء ده فيكون الرد عليه ان فيه شيخ قال الى بيموت بالكرونا يبقى شهيد!!! انا عايزه افهم هو طبيعى احنا نحس اننا عبيد للدرجه لمجرد ان الشركه بتبص لمصلحتها بس!!
ReplyDelete٩- ولما يتوافق ع شغل م البيت بيتوافق بس للى عندعم بروسس يقدرو يقدموه ويتتابع لكن لو حد شغله مش فى تاسكات بصفه دايمه فدول حتى لو حوامل او امهات يتم رفض شغلهم م البيت الا لو ياخدوه اجازه م غير مرتب ���� وده طبعا عشان الشركه متغرمش وبلا بلا بلا
( ومقدرش انكر انهم هيبداو يشغلو الناس م الببت الاسبوع الجاى عشان مكنش ظلماهم �� بس بدل منشتغل ٧ ونص كالعاده لا هنشتغل ٨ ساعات ومطلوب ناخد ساعه بريك عشان نزود البروسس )������
١٠ - طبعا قانونا معروف قانونى ف اى شركه ان قانون نظام الوضع حاجه ثابته...الشركه بيتم تعاملها مع اجازات الوضع ان الموظفه تاخد نص الشهر لمده ٣ شهور ولما ترجع تاخد باقى فلوسها ع ٣ شهور تانين ( عشان يضمنوا ان الموظفه هترجع تانى ولو مرجعتش ميكنوش خسرو كتير) ����
١١- الاجازات الرسمية مش بناخدها كلها بيختاروا منها أيام وأغلبها أيام أجازات سبت وجمعة علي الرغم انها اجازات رسمية ونازل بيها قرار للقطاع الخاص وكل الشركات بتاخدها
( هما هناك المديره بتختار ايام ايه تنزلهالنا وايام ليه لا كل اول سنه قال ايه عشان يدونا يوم زياده ف العيد������ وتكون هى مختاره الايام الى أغلبها جمعه وسبت)
١٢-الاوفر تايم او شغل الاجازات مش بيتاخد الضعف زي بقية الشركات لا بيتاخد الساعة بساعة عادي وبيتحسب ف الاخر اقل من تمن الساعة ف اليوم العادي
ReplyDelete١٣- لما حد بيتعب وبيكون جايب شهاده مرضيه او انه هيتحجز او او بيكون الرد عليه انا قانونا اقدر امشيك لو غبت اكتر م ٣ ايام فانت ليك عندى ٣ ايام والباقى ع حسابك ���� ( نسيت اقول ان المديره محاميه فبتحب دايما تتكلم بالقانون واتمنى محدش يشوف انى بتكلم عليها استقصاد ليها لا طبعا بس هى الى مدخله نفسها ف كل القرارات باسمها حتى ال hr يعتبر اتتجابو لما طالبنا بده بس ) وف حين لو حد من الموظفين ويكون قرايب او اخوات المديره وصاحب الشركه فدول عادى جد ياخدو اجازه شهر بحاله ��( يحضرنى مشهد وعشان له قرايب مهمييين ����)
١٤- لما بيحصل ظروف عند اى حد حد م اهله تعب او توفى وبيطالب باجازه حتى لو من الحساب بتاع المرتب بيترد عليه ان اكتر حاجه يومين تاخدها( وكمان بيكونو من إجازاته مش منها) وان لو كترت عن كده فللاسف فيها فصل فشوف انت عايز ايه فطبعا الشخص يفضل بين أهله وبين الشغل عشان القانون �� وعشان احنا اوبجكت فاميلى اوى ��
انا لو فضلت اتكلم عن عيوب المكان ده هزهق وانتو هتزهقو البوست ده مجرد تنبيه للاداره ان فعلا الناس اتخنقت وبقو بيتكلمو وكله عايز يمشى من كتر المعامله الوحشه الى بتعاملوها للناس من ذل واهانه عشان متأكدين ان الناس معهاش مكان تانى بس صدقونى يوم مهنلاقى هنمشى ..
اكيد انا واخده احتياطاتى عشات ملاقيش كومنت من محاميه الشركه تقول هوصلك واجيبك لان حتى لو ده حصل ف
ف انا قانونى مغلطتش ف حد ولا شتمت ف حد كلها مواقف حقيقيه ولو شفت كومنت كده يبقى معناه انى كتبت حاجه سيئه ف حقكم ومفتكرش انكو هتشوفو الى كتبته سيء لان طالما بتنفذوه ف انت شايفينه حق الله وعدل وعشان كده من حقى اشوف كومنتس الى هو ليه بتعاملونا كده مش كومنت تهديد ❤️
فيه ناس كتير في الشركة بقالهم مده كبيره ومدخلوش تامين اجتماعي وناس بتيجي وتمشي ومتامنش عليهم
ReplyDeleteييَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِي
ReplyDeleteالسلام عليكم ورحمة الله .. انا محامية الشركة الشريرة اللى الاخت العزيزة بتتكلم عنها وهرد امام ربنا اولا واخيرا على كل اتهام وجهتة للشركة او ليا
1. لما يكون الزيادة السنويه مبنية على مستوى وتقييم كل شخص خلال السنة و3 ولا 4 يزيدوا بالارقام المذكورة بقى التعليق دا وعلى العكس اغلب الشركة تزيد 1000 و 2000 و اكثر من 3000 كل واحد حسب مستواه وفي نسب اكتر من 50% خلال السنة يبقى فى مشكله عندك فى المستوى وما اعتقدش ان فى حد بيقول ان الشركة المفروض تزوذ كل الناس باختلاف مستوايتهم بنفس الارقام
2. معلومة جديده بالنسبه لك احنا البادجت عندنا مفتوحه سواء للمناديل او المشروبات او غيرها وفى مخزن جوا الشركة في رصيد من المناديل وغيرها واغلب اللى موجود في الشركة عارف وبيشوفنى قد ايه انا بعمل مشكله وبتضايق (ودايما بقول مش عايزه حد يتضايق فى الشركة بسبب حاجه زي كدا وهما موجودين ويشهدوا اما ربنا ع كلامى) لما بلاقى اى حاجه من دى ناقصة ... وكون ان مسئولين وضع المناديل او البوفيه بيقصروا فى ابلاغى لو حاجه من المخزون خلصت فانا اعترف انى متحملة المسؤولية معاهم لكن دا وارد انه هيحصل فى اى شركة عددها كبير عن دون قصد
3. بصراحة دى اكتر نقطة فجأتنى وضحكتنى صابون ايه اللى هنزوده مياه علشان نوفر 5 ولا 6 جنيه ؟؟؟؟؟ الصابون اللى بستعمله مع الناس هزوده مياه ؟؟
لو كنتى فعلا ببتشهدى بالحق كنتى وضحتى مثلا الشركة بقالها كام اسبوع من وقت ظهور الوباء ومن قبل ما الناس تنتبه ليه جبنا مطهرات عاليه ووزعناها فى الشركه علشان الناس تستخدمها خوفا على صحتهم
دا انا بقالى شهر بلمع واطهر بنفسي حتى الاسانسير بتاع العمارة علشان ماتلمسوش حاجه تضركم .... ويشهد زملاء لينا فى الشركة ع الكلام دا شافونى وانا بعمله بنفسي قدام ربنا
لما كنا من اول يوم فتحنا الشركه وقت الصلاة والحمام مفتوح ع حساب الشركة وكانت الناس بتصلى وترجع تكمل فقط كانت الدنيا كويسه لكن لما يجيلى شكوى من اكترررر من زميل عن سوء استخدام المسجد اوقات الصلاة وتحويلة لكافيه يستمر القاعده فيه لاكتر من نصف ساعه مع كل صلاة وعدم رغبة باقى الناس انها تسمع الحكايات الشخصيه وغيرها يبقى من حق الشركة اعتقد انها تكنترول الموضوع وتحدد الصلاة بالبريك
ReplyDelete5. مش عارفة ادارة ايه اللى قالت انا ليا الحق قانونى انزلكم في غير ايام العمل فى حين ان انا كنت اجازة اصلا اليوم دا ولو كان في ارتباك فى الشركة بسبب القرار المفاجئ والتزامات الشركة اليوم دا ومع ذلك مجرد ماعرفت واتاكدت انه قرار قانونى انا ماترددتش ثانيه وانا فى الاجازة انى ابلغ الناس ان الاجازه رسميه وعلي الشركة
هل خطأ انى اول ما عرفت بقرار مش صحيح انى صححته فى نفس الوقت مراعة للناس وظروفه؟؟؟ا
6. النقطه دي من اكتر النقاط اللي بتاكدلي انك يا مش معانا فى الشركة يا مش فاهمه... لما نطلب من التيم عندنا يوزع اجازاته ع السنه كلها وما يجمعهاش كله في الشهر 12 زي كل سنه
وليه الحق طبعاااا انه يعمل البلان بتاعته زي ماهو عايز وما يوزعهمش المهم ان الشركة كلها ماتطلبش اجازه في اخر السنه وطبعا ال 21 يوم كاملين زي القانوني .. كدا يبقي انتي مش عارفه حاجه......
7. معلومه اخري ماتعرفيش عنها حاجه.. لما تكون موظفه شغاله في مشروع ويتنقل لتيم اخرر ويتعرض عليها تروح مع التيم او تشتغل من البيت وترفض ولما نكون لاخر وقت مش عايزين نأذيها فنبلغها انها لو عايزه تشتغل من البيت مع الاحتفاظ بوجدها في الشركة وهي برده ترفض ويكون ردها انها عايزه تشتغل في نوعية شغل مختلفه فتفضل تشوف فرصه تانيه يبقي دي مش مشكلة الشركه
8. ماعنديش رد غير ان احنا بالفعل اخدنا قرار من قبل كلامها دا باسبوع ان احنا ورك فروم هوم وبدانا نطبق الكلام
تدريجيا دا لحد ما اخدنا القرار النهائي وحاليا احنا بنشتغل من البيت بالفعل يبقي ازاي مش فارق معانا صحة الناس؟
ReplyDelete9. لما احنا اللي نتصل باغلب الحوامل والحالات اللي مناعتها قليله ونبلغهم يكملوا من البيت من نفسنا علشان ماينزلوش الشركة ومانشغلش ولا واحده حامل او مناعتها ضعيفه من فترة كبيرة يبقي حسبي الله ونعم الوكيل في الكلام المكتوب دا
هو المفروض ان احنا نقعد البيت نلعب من غير بروسس ولا طبيعي ان احنا نطلب نزود البروسس علشان شركتنا كلنا ماتقعش؟؟ هو لو حد شايف ان غلط ان احنا نطلب زيادة البروسس من غير مانأذي حد ولا نيجي على حق حد يبقي ماعنديش رد
- لما يطلب اكتر من شخص بعد قرار العمل من المنزل انهم يستمروا في العمل فى الشركة والاادارة تبلغهم برفض الطلب خوفا ع صحتهم يبقى احنا اكيدددد فارق معانا صحة الناس
هو ازاي انتي بتقولي احنا بلغنا الشركة كلها تشتغل من البيت وفي نفس الوقت اختارنا ناس محدده تشتغل؟؟؟ مش عارفه بصراحه
10. لاتعليق )اسالي في باقي الشركات واعرفي بيحصل ايه
11. بجد مصدومه من الكلام دا... لمامن يوم فتحنا الشركه الناس اقترحت انها تبدل الاجازات الرسميه وتاخد بدلها اجازات تانيه مش رسميه ووافقنا علشان نرضي الناس وفضلنا كل سنه نعمل تصويت ع الاجازات والناس هي اللي تختار اجازتها ولما العدد بتاع الناس زاد خلينا اختيار الاجازات راجع للليدر وكل سنه بيبلغوا بالاجازات وبيتوافقة عليها مباشرة من غير اي تدخل مني ولما السنه دي لقينا الوضع فيه ضغط لاختلاف اراء الناس بسبب كثرة عددهم اخدنا قرار ان احنا هناخد كل الاجازات الرسمي بالكاااامل من غير تعديل ومن اول يوم في السنه متعلق ايام الاجازات الرسميه كامله ومبعوت بيها ايمل للناس ... يبقي فين الكلام دا
دا كلام في حقي اني بتعمد اختيار ايام الجمعه والسبت علشان اظلمكم ودا مش صح وانا هستناه عند ربنا
12. لما نكون بنتخانق مع الناس اللي بتشتغل زياده كل شهر وبناكد ان احنا ضدد الاوفر تايم علشان صحتك وطاقتك يبقي احنا بنفكر فيك
لما يكون الجمعه والاجازات الرسميه بتضرب ف 2 وناس كتير اخدتها كدا يبقي معلوماتك غلط
13.
لما يكون ناس كتير بتيجي تشكرني اني ازاي قدرتهم في تعبهم اكتر من المفروض وانتي تقولي كدا يبقي انتي عندك مشكلة في معلوماتك
ReplyDeleteانتي اتهمتيني اتهام شخصي ان الدنيا حلوة مع اصحابي وقرايبي واشهد الله ان دول اكتر ناس انا باجي عليهم.. لوحد فيهم اخد اجازه بحسبها ع مرتبه . هما اقل ناس بتاخد زيادة ع مرتبهم.. هما اكتر ناس مش بعدي ليهم اي حاجه.. رغم ان كل اللي يعرفني هيعرف اني بحاول اراضي كل الناس الا دول ولان دي حاجه تخصني وفيها ظلم ليا فانا اشهد الله اني خصيمك يوم القيامه امام ربنا ع الكلام دا
14. اخر حالة وفاه حصلت في الشركه لوالد زميله عندنا اكدت ان احنا متحملين 3 ايام ع حساب الشرررركة وسهل جداا االوصول ليها والتاكد منها ودا اللي بيحصل طبيعي عندنا .. مش عارفه ايه اصل الكلام دا
اشهد الله اني عمري ما قولت لحد هتاخد فصل لو اخدت اجازه اي ان كان
السبب وفاه او مرضي او غيره بالعكس انا كل اهتمامي اني احافظ ع الناس داخل الشركه وع راحتهم
احب اقول للاخت العزيزه ان انتي لو فعلا نيتك الاصلاح وكنتي شايفه مشاكل في الشركة بالشكل السئ دا ماجيتيش تحاولي تتكلمي ليه وتحاولي تحليها؟؟ مع العلم ان كل الناس في الشركة عارفه قد ايه انا بطلب من الناس مره وعشرة والف ان اللي شايف حاجه غلط او مشكله يجي يتكلم علشان نحلها... !!!!
انتي بتقولي احنا قاعدين في الشركه علشان مش لاقيين مكان تاني.. كل اللي في شركات الاي تي عارفين ان العرض اكتر من الطلب و ان الاماكن المتاحه كتير والكفاءة هي اللي بتحدد في فرصه ليكي او لا.. اذا انتي عندك مشكله في كفاءة عملك ودا اللي وصل ان زيادة مرتبك هتكوون قليله و اللي هيثبت انتي ليه شايفه الشركة وحشه كده في حين ان ناس كتير من الشركة لما شافوا تعليقك بعتولي لما هي شايفه الدنيا وحشه كدا قاعده معانا ليه؟؟
انا ولا هدور عليكي ولا هجيبك لا فارق معايا اصلا اعرف انتي مين ويكفيني وجود الناس اللي بتقدر واللي عارفه قيمة الشركة وعارفه قد ايه احنا بنتقي الله في كل تعاملتنا مع الناس
وامام ربنا انا شايفه الناس اللي عندنا كلها محترمه وابتسامتهم وظهورهم الصداقه والحب ليا جميعا في وجهي دا يكفيني ولو انتي واحدة من الشركة وبتبتسمي وتحبيني في وشي ومن ورايا بتقولي الكلام دا يبقي يبقي ربنا بينا مش القانون. .
انا اكيد بعترف ان احنا عندنا مشاكل زى اى مكان كبير وكل هدفى من وجودى فى الشركة هو انى احل المشاكل دى واحافظ على راحة وسلامة الناس واحافظ علي نجاح الشركة وتقدمها .. وكنت اتمنى لو كانت صاحبة التعليق ابدت حسن النيه وجت تكمنى فى مشاكله وهى اكيد عارفه ومتأكده انى كنت هبذل اقصى جهد لحل المشكله
واخيراا اشهد الله ان ادارة اوبجكتس جميعا بتتقي الله في معاملتها لكل فرد في اوبجكتس ودايما بقول للناس احنا بنعمل ربنا ومش عايزه حد يدعي علينا
لما نموت
السلام عليكم
ReplyDeleteمبدئيا أنا مش من الشخصيات إللي بتحب تعلق على بوستات كتير بس حقيقي الكلام إستفزني جدا
أنا بشتغل في الشركة دي من حوالي 4 سنين و بالمناسبة أنا لا قريبة المديرة ولا ليا أسهم في الشركة �� اوبجكتس تعتبر اكتر مكان أنا إشتغلت فيه .. إشتغلت قبل كدة في شركتين آكتر واحدة قعدت فيها سنة ونص ومقارنة بالشركتين دول وبإللي بسمعة من أصحابي في شركات برة فالمكان مش بالسوء إللي صاحبة البوست بتحاول توصله للناس
كل مكان ليه عيوبة ومميزاته وكونك داخلة تتكلمي في عيوب بس بعضها مش صحيح وبعضها معروض بشكل يبان منه عكس معناه فإنتي داخلة قاصدة إنك تشوهي صورة المكان
الإدارة سواء المديرة أو صاحب الشركة نفسه عمرهم ما اتأخروا عن حد عنده مشكلة دخل أتكلم معاهم فيها ولو بيحصل أخطاء في بعض المواقف فأحنا بشر مش ملايكة وزي ما بنتكلم وبنطالب بحقوقنا نتأكد الاول إذا كنا عملنا إللي علينا ولا لا
ولو آنتي متضايقة بالشكل ده من المكان ولسه مستمرة فإنتي بتظلمي نفسك وبتظلمي أصحاب المكان معاكي
انا موظفة في شركة اوبجيكتس بقالي تلت سنين وعايزة أوضح بعض النقط
ReplyDeleteاولا:
باب كل فرد من أفراد إدارة الشركة دايما مفتوح للناس وفي كل الأوقات بمعني أن أي شخص عنده مشكلة يقدر يدخل يتكلم فيها في اي وقت بدون وضع اي قيود علي الوقت اللي يتكلم فيه وبدون ما اي حد يحجر علي رأيه ودة مش موجود في أماكن كتير مش دايما المديرين بيكونوا متاحين طول الوقت
ثانيا:
بالنسبة لحالات الوفاة والظروف الخارجة عن إرادة الشخص زي المرض من تجربتي الشخصية كان فيه دايما مراعاة للظروف اللي بمر بيها وعمر ما تم رفض أجازة أو إذن ليا في اي ظرف من دول ومش بس كدة انا كنت دايما بلاقي دعم من إدارة الشركة ليا في اي ظرف ودايما بيكونوا متواجدين في اي عزاء
ثالثا:
طبيعي جدا أن الصلاة ودخول الحمام دة خارج ساعات العمل دة غير أن الشركة مش بتفرض علينا وقت معين للبريك ومن حق اي شخص يقوم في الوقت اللي يناسبه للصلاة ودخول الحمام والأكل وحتي الترفيه بس منطقي أن دة ميكونش جوة ساعات العمل وخصوصا أن احنا معندناش
Time tracking
بيراقب الاشخاص بيعملوا اية علي أجهزتهم
رابعا:
فيه ثقافة اسمها ثقافة الاختلاف والنقد البناء مش عيب أن أي شخص يلاحظ وجود عيوب في المكان اللي هو شغال فيه ويحاول إصلاحها وبما أن إدارة الشركة بتسمع مننا جدا ففين المشكلة المفروض تكون ايجابيين ونحاول نساعد الإدارة عشان نوصل دايما للأفضل لان في النهاية دة مكاننا وكل فرد في مكانه مسؤول
خامسا:
طبيعي أن كلنا مش زي بعض وظروفنا مش زي بعض ومن حق اي شخص يختار المكان اللي يشوف أن العمل فيه مناسب لظروفه ولو المكان مش مناسب لظروفك كفرد حقك انك متشتغلش فيه لكن من غير تجريح او تشهير
انا بقالي في الشركه اربع سنين وبعتز دايما بوجودي في اوبجيكتس ... لكن الكلام المكتوب متوضح بطريقه غلط والاسلوب لايليق ....انا عايزه اتكلم عن اكتر نقط متعممه :
ReplyDelete-الاداره بابها مفتوح دايما اي حد فينا عنده مشكله او عايز يتكلم عن اي حاجه مضايقه كلهم اذان صاغيه لينا وبيساعدونا علي طول ...المديره عمرنا ما حسينا انها مديره علينا لكن دايما حاسين انها اختنا ...
- من وقت ما جيت الشركه هنا بقالي اربع سنين وفي مبالغ مخصصه علي الترفيه وازاي الشركه بتفكر انها تبسطنا يبقي هل يعقل انهم ميجبوش مشروبات ومناديل لما تخلص!!!
- الزياده السنويه بتعتمد علي مستوي واداء كل واحد فينا ... يبقي اكيد الزياده لما تكون قليله اكيد الشخص ده مستواه قليل (اكيد حاله خاصه يبقي ليه التعميم؟! )
- بالنسبه للاجازات ... الشركة إقترحت تنظيم الاجازات بالشكل دة عشان متتراكمش ومنبقاش عارفين نخلصها مش الغرض منها إنهم يضيعوها!!!!
-كان الاحسن إنك تراجعي نفسك وتشوفي المشاكل دي سببها الحقيقي إيه بدل ما تطلعي الشركة بالصورة الوحشة دي...
This comment has been removed by the author.
ReplyDeleteانا من اجدد الناس ال جت الشركة بقالي ٦ شهور بس ف قولت بردو ادخل اكتب علشان يبقي في ريفيو من حد جه علي وضع الشركة الجديد و محضرش معظم
ReplyDeleteالحاجات ال مكتوبة دي ومعظم كلامي موجه لأي حد هيقرأ الكلام ال مكتوب خصوصا لو كان بيفكر يقدم علي شغل في الشركة مثلا و يحاول يكون صورة مغلوطة عن المكان ف عالاقل يشوف راي اخر
اي مكان في العالم في مشاكل لكن بتختلف درجتها و حدتها و الشخص عموما مش مجبر يقعد ف مكان فترة طويلة لو المكان دا مش مناسب ليه او مش بيوفر له بيئة عمل مناسبة ومن كلامك انتي قاعدة بقالك كتير و ماتكلمتيش ف للاسف دي مشكلة كبيرة لانك افقدتي نفسك حقك في ابداء الرأي ف انصحك لو قررتي تروحي مكان تاني تقيمي رضاكي عن وجودك فيه بدري عن كدة.
في كلام مذكور اتقال ف اجتماع حصل من يومين بالظبط و الادارة فيه قعدت تقول زي ما بتقول في كل اجتماع حد حابب يقول حاجة؟ و محدش اتكلم طب ليه نخاف؟
من تجربتي الشخصية ان لما جربت اتكلم مع الادارة في حاجات تخص الشغل لقيت استجابة كويسة جدا وترحيب اتفاجئت حتي ان في اقتراح قولته اتنفذ بعدها بيوم و دايما بيتقالي لو عندك اي اقتراحات تعالي قوليلنا علي طول وبحترم جدا احترامهم لكلامي رغم ان اعتبر من اصغر افراد الفريق سنا.
تاني حاجة و دي بردو معلومة عموما ليكي ف المستقبل الشركات انواع في شركة بتعاملك مجرد موظفةوفي بيعاملك ك فرد مؤثر في فريق و من الفترة ال قضيتها هنا اوبجكتس شركة بتتعامل ان ان كل واحد فيها فرد في فريق كبير من اول المديرين لحد الناس المسئولين عن نضافة المكان
الفريق الواحد بيبقي مهتم بمصلحة بعض و مصلحة المكان م مصلحته الشخصية ف لو انتي من الناس ال تحب تكون مجرد موظفة في اماكن تانية كتير كدة ومجال السوفتوير عموما عمره ما يمشي معاه mindset
الموظفين
الي مش بيطور نفسه في المجال دا بيموت نفسه و بيموت المكان اللي شغال فيه بالبطيء
تالت حاجة: علي حد علمي ان الشركة حجمها كبر فجأة وعدد التيم زاد و دا مش من شيء الا لأن اكيد الشركة بتقدم خدمة كويسة وبالتالي زاد الطلب علي خدماتها ودا بالتبعية هيعمل operation load
علي الناس اللي شغالة ف الادارة ف لو قصروا في شىء دا مش معناه ابدا انهم قاصدينه لكن هم بيبقوا مستنيين فريقهم ال بيكبر
يقفف معاهم مش يشتكي وخلاص وال بيسرد مشاكل المفروض يكون عنده حلول.
اعتقد بردو ان الشركة عندها اقل معدلات ال turn overعن شركات تانية كتير ف اسكندرية ودي حاجة تدل علي ان في نوع من الاستقرار و بيئة العمل المناسبة
وخصوصا ان المجال اصلا معروف ب معدلات turnover عالية
الشركة فيها ناس شاطرة تقنيا جدا السينيورز فعلا مكتبهم مفتوح دايما لكل الفريق ف اي وقت ونادرا لما يكون في شركة الناس فيها
بتساعد بعض بالشكل دا وكذلك الادارة.
في الاول و الاخر مفيش مكان كامل بس في مكان مناسب لكل شخص وظروفه و حياته ومستواه التقني.. في اماكن ممكن يكون فيها رفاهيات اكتر بس الشغل فيها مش هيطور فيك حاجة وفي شركات شغالة اصلا من اولها ل اخرها ريموتلي من غير اي رفاهيات بس بتنقلك نقلة تانية ف مستواك التقني وانت ال بتختار.
كل مقول هكتب ارجع اقول بلاش والله بس الكومنتس تستحق الرد وكمان عجبنى فكره الكلام هنا لانى معمولى بلوك م اداره الشركه وانا مسحت جزء منها بس 😂
ReplyDeleteانا بصراحه متضايقه ان الحال وصل بالمكان ده لكده سواء ان الناس توصل للضيق بالشكل ده او أن الحال يوصل لمناقشه عن مشاكل المكان ما علينا
انا اشتغلت ف الشركه دى سنه ونص مش محتاجه اقول عن نفسى انى كنت شاطره لانى متاكده من كده وده بشهاده الى اشتغلو معايا بس الميزه ف المكان ده ان فعلا اغلب الناس محترمه جدا وبيساعدو جدا وفكره التيم ورك دى كانت موجوده بشكل لطيف واتمنى يكون موجود لحد دلوقتى ، انا وقت مشكلتى مع شركه اوبجكت محبتش اكتب بوست وقتها لانى وبحق الله كنت مصدومه من الكلام والتصرفات زى منا اكيد كنت بتصرف ف الاخر بشكل همجى ووصلت انى لازم اسبب المكان ده من غير ماخد حقى ، انا مش حابه احكى مشكلتى عشان موضوع ممل ومش هيفرق اعتقد لانه فات ولكن انا هعلق بحق الله ع الى شفته وانا هناك واتكتب م البنوته ال فوق دى عشان انا فى يوم م الايام حسيت نفس احساسها ان كله ضد ى عشان فى شويه اشخاص معينه بيدافعو عن الاداره باستماته ..بعتزر اكيد لكل الى كتب كومنتس هنا بس للاسف انا الاغلب اتعاملت معاه وعارفه انا بقول ايه وفى ناس اكيد كانو كويسين م الى كتبو كومنت فوق
ما علينا بالنسبه موضوع التامينات انا فعلا مدخلتش تامينات ولما طلبت من علياء كان ردها عليا انى صغيره ايه يعنى ٢٣ سنه انا ضاع منى اكتر م كده فمش مهم اوى وهو بيتحسب م ال ٤٠ وبصراحه انا اتكسفت وبقيت اسال كل فتره بس ها دخلت ولا لسه لحد معلياء دخلتنى ف فتره تقديم استقالتى عشان أمضى ع استماره ٦ برجعى ٣ شهور فقط من اصل انه ونص فى الشركه، بنسبه زيادات المرتب انا مكنش عندى مشكله فيها ولكن هى كانت فى حدود ال ٥٠٠ جنيه على ايامى فأعتقد ممكن تبقى زادات السنه دى يعنى الله اعلم عشان مفتيش ومقدرش اتكلم عن استاذه علياء اذا كانت بتظلم او لا لانى كنت برضى بالى بخده حتى لو دى مشكلتى بس تمام المهم البنى ادم يرضى وحقيقى نصيحه للبنت دى لو مش عاجبك ممكن تشوفى مكان افضل والأوفر هيبقى عالى عادى بس قصه فلوس عاليه ممكن تلاقى مكاان مش تمام فمش دايما دايما ا بيتقاس ماديا، بالنسبه الحوامل انا ملحقتش زمان الا موضوع الاجازه وفعلا على حد علمى انه كان اجبار النظام ده وان وا ناس اعترضت بس الشركه رفضته وانا بنت فمعرفش الموضوع ده سلبى للحوامل او لا بس فاكره كويس ان ان استاذه عليا عملت ميتنج عشان الموضوع ده وقالت ممنوع حد يتكلم فى المسجد والمواضيع خلاص اتحلت لاصحابها
ومن هنا انا اصلا عرفت ان كان فى مشكله للاسف قبلها مكنتش بقعد اسمع المشاكل دى، موضوع الكلينكس ده هو اه فعلا كان بيحصل على ايامى مقدرش انكره ، وموضوع التايمر والصلاه هو اه فعلا ده نظامهم، باقى المكتوب تقريبا انا معرفوش ومتغرضتلوش بس استاذه علياء والبشمهندسات كانت بتقول
انهم بيحلو المشاكل ،انا كان قت مشكلتى معاهم كانت مشكله فى التيم بتاعى ولا هى محلتهاش خالص افتكر كان بيتقالى كلام مستفز بس لوجه الله مش فاكره منه الا جمله واحده انى يوم مقصريت امشى هى خدتنى قالتلى انا عارفه ان اى عروسه بتجهز بتبقى محتاجه فلوس وانتى هتمشى من غير اوفر فمعلش!!! يومها طلعت ولعنت السنه ونص وسط الناس الحلوه والتيم والضحك يومها حسيت انى صغيره جدا والله، ولما اتعمل عليا ميتنج كامل بعد ممشيت ،،وبعدها الحمدلله ربنا كرمنى بمكان افضل الدنيا موقفتش يعنى، انا مش حابه ارغى اكتر من كده بس لاحظت ان اغلب الى كانو سبب ف قطع عيشى فالمكان ده هما هما الى بيدافعو عن المكان ده ومعتقدش ان دول الجزء الاغلب فى المكان اكيد زى مفى مرتاحين فى متضايقين..لانى انا كنت من ضمن المتضايقين الى جم عليا المرتاحين ووصلونى اسيب مكانى ،، انا هبلغك نصيحه الحياه مبتقفش ولو مش مرتاحه فى مكان الدنيا واسعه والمجال مفتوح متضغطوش نفسكو للتواجد ف اى مكان لو مش مرتاحين فيه انااخدت الريسك فى يوم انى امشى من المكان ده ومندمتش اد متوجعت مش اكتر
فانتى متوصليش نفسك لكده وشوفى حالك يا بيبى، والمكان هيفضل برده كويس بصحابه عادى خالص الدنيا لذيذه برده لان الكومنتس واضحه انهم شايفينك غلط .ربنا يراضيكم بالى فيه الخير ليكم ويصلح حالكم ويكرمككم ع اد نواياكم جميعا يارب انا المكان ده كلت فى عيش وملح فتستحقو الدعوه
انا مش هاتكلم كتير .. لانى ماكنتش جزء من الشركة فى يوم .. بالرغم من انى كنت اتمنى ابقي جزء منها .. والحمدلله ده ماحصلش .... انا ليا صحاب كتير فى المكان اكتر من 10 اشخاص اعرفهم هناك .. كلهم بلا استثناء متضايقين من المكان .. بسبب موضوع الشغل من البيت وانهم ماكنوش راضيين الناس تشتغل من البيت وهايبدؤا من بكره لما لقوا الدنيا بدأت تخرج من ايديهم .. وبسبب موضوع ضعف المرتبات .. و انك عمرك ما هاتاخد حقك غير لما تدور عليه وده الصراحة اوحش حاجه ممكن تحصل فى اى شركة .. الشركة اللى ماتدورش على حقك سيبها وماتفكرش كتير ... انا بشكر ربنا انى ماتقبلتش فى الشركة دى فى انترفيو كان عبارة عن سؤال واحد بس !! وكلنا انا وصحابى جاوبناه غلط .. ماعرفش هما اختاروا على اى أساس !! ولكن انا حبيت اقول للادارة ان ده مش رأي شخص ... ده رأي ناس كتير موجوده ويا اما ترجعوا زى ماكنتوا وتعدلوا الدنيا .. يا اما الدنيا كلها هاتتقلب عليكم
ReplyDeleteانا واحده من الشركه بقالي 5 سنين و فعلا الشركه من افضل الشركات ف السوق ف التعامل مع الموظفين ع طول بنتعامل ع اننا عائله واحده و ع طول مع بعض ف اي ظروف سواء فرح او عزاء او فسح او خروجات
ReplyDeleteو لو في اي مشكله بنتكلم مع المديرين و تعاملهم محترم جدا و بابهم دايما مفتوح لاي مشكله
و الشركه دايما بتهتم بالترفيه و الحاله النفسيه للموظف علشان نطلع احسن انتاج
و الاداره عمرها ما اتاخرت ع حد و بخصوص موضوع الشغل من البيت انا واحده كان عندي مشكله ان الانترنت عندي مش stable
ف الشركه حلتلي الموضوع ف ساعتها اصلا و انا واحده عاديه بشتغل ف الشركه
و كل الشركات اصلا فيها الكويس و فيها الوحش بس اللي كاتب الريفيو دا كاتب بطريقه مستفزه اوي و قاصد يشوه سمعه الشركه
لو اللي كاتب الريفيو دا مش مرتاح او مش مبسوط ممكن تتكلم معاهم او تكتب الريفيو بطريقه بناءه و كلنا حنحترم كلامك و انك عايز تصلح من الشركه
هو انا ال HR الى موجوده في الشركة و جايز هرد لان معظم الحاجات ديه انا شاهدة عليها و ربنا يعلم انه غير صحيح وواضح ان الشخص الى كتب الكلام مش وصل للصورة كاملة
ReplyDeleteأولا: احنا حاليا كلنا ك موظفين في الشركة بنشتغل من البيت لعل الظروف الى بتمر بيها البلد حاليا تعدى على خير … الموضوع ده الشركة بتخططه بقاله اكتر من أسبوعين من جانب المديرة و الإدارة كلها ف خلال الأسبوعين ده انا كنت مهتمة ان بيئة العمل جاهزة عند كل موظف و اذا كان محتاج حاجه و لا لاء و الشركة توفرهاله و بالفعل ده الى حصل و تم توفير كل السبل الى تساعد كل موظف انه يشتغل من البيت و هو مرتاحه و متوفرله كل وسائل الراحة زى الشركة بالظبط و اكتر …. كل ده تم خلال الأسبوع ده بس علشان الشركة متنزلش موظفين ف ظل الظروف ده على الرغم ان مفيش اى اجبار قانوى او جهه الدولة ان لازم الناس تشتغل من البيت فاعتقد ده لو مكان مش بيقدر و بيخاف على الناس الى معاه مكنش اخد خطوة زى ديه .
ثانيا يشهد الله خلال السنة الى قعدت فيها مشوفتش حد قال هيمشى لو اخد إجازة مرضية او حصله اى ظروف و هيتفصل … ده بالعكس في ناس حصلت ليهم مشاكل مرضية و الشركة تكفلت بيهم كامله و مكنوش قرايب مهمين و لا حاجه
ثالثا: بالنسبة للقرايب المهمين … يحضرنى موقف من السنة الى فاتت لما دخلت للمديرة الى انتى بتقولى عليها ديه و براجع معاها الخصومات كان اول ناس مخصوملهم و من قبل ما أتكلم حتى و كل الشركة عارفه انهم من اخر الناس الى بتروح كل يوم من الشركة بسبب ضغط الشغل .
رابعا: فكرة تنظيم الاجازات و بما انها جزء من شغلى فعلا احنا السنة ديه حطيتنا نظام بحيث كل واحد ينظم اجازاته بطريقة انها متتراكمش لاخر السنة و ده شيء مش مستحب لكل الشركات عموما … المهم في خلال ال3 شهور الى فاتوا كان في ناس بتاخد اجازات بما يتناسب مع حاجه كل شخص و الشركة كانت مقدرة ده جداا حتى ناس كانت بتاخد بال 5 و ال 6 أيام و عادى جدا .
اخيراا الشركة ديه من افضل الشراكات الى ممكن حد يشتغل فيها و دايما اى حد عنده اقتراح او عنده مشكلة من ساعه ما اتعينت و باب الإدارة لاى حد مفتوح و ل صاحب ال review الحقيقة متمش ذكر في اى نقطة ف كلامك انك دخلتى اتكلمتى مع الادراة و الباب اتقفل في وشك او محدش حاول فيهم يحل مشاكلك او اى شيء من هذا القبيل .. لان انتى واضح مأختيش الخطوة ديه و الا كنتى اتكلمتى عليها زى ما اتكلمتى على كل الكلام ده
حاجه أخيرة الشركة مخصصه ميزانية للترفيه علشان تحاول تخلى الناس مبسوطة و مترفهه نظرا لطبيعة العمل في المجال ده و بردو في كل مرة كنا بنخرج عن الميزانية علشان نعمل ترفيه كويس و كلنا ننبسط اعتقد ان مفيش مكان عنده مشكلة في حاجات أساسية زى المناديل و الصابون و بلابلا هيصرف فلوسه على الترفيه و اللعب و كل الحاجات ديه .
و حاجات تانى كتير بس هي اترد عليها و اعتقد من الأفضل و من الاخلاق انك كنتى تجى تاخدى الخطوة ديه مع إدارة الشركة جايز كنتى وصلتى للصورة كاملة او الدنيا وضحت شويه و لو كان في مشاكل او اى تقصير صدقينى كانت هتتحل و هتلاقى تجاوب عليها و زى اى مكان في الدنيا في الحلو و فيه المشاكل لكن هيفضل المكان ده بيقدر و بيحترم كل الى فيه من اصغر حد لاكبر حد.
السلام عليكم،
ReplyDeleteاولا شكرا لصاحب الريفيو لتوضيح كل النقاط السلبية دي و لن نقوم بالدفاع او التعليق علي اي نقطة مذكورة رغم ان كثير منها غير دقيق و فيه تحامل واضح.
نعترف بوجود بعض السلبيات اللى بالفعل بنعمل حاليا علي حلها و تحسينها في اسرع وقت ممكن. بابنا دايما مفتوح لمناقشة كل المشاكل و نحترم كل افراد فريقنا و نقدرهم ونتفهم مدى الحالة السلبية العامة المؤثرة على فريقنا
واضح اوي ان الناس اللي بتدافع بإستماتة من المرضي عنهم وللاسف دي اسوء حاجة في الشركات المصرية، تاني حاجة واضح ان معظم المشاكل اللي الاخت ذكرتها معمولة فيها استقصاد ومش بتتعمل مع كله.
ReplyDeleteالسلام عليكم
ReplyDeleteانا عارفة ان ردي متأخر جدا بس ان شاء الله يتشاف من اي حد بيفكر يقدم ف اوبجيكتس او بيدور عليها عشان حرام ريفيو زي ده هو اللي يظهر على الشركة
انا ف اوبجيكتس بقالي اكتر من ٣ سنين وفعلا من احسن الاماكن اللي اشتغلت فيها على كذا مستوى! معروف ان مفيش مكان كامل و كل مكان هتلاقي فيه عيب بس كل واحد حسب هو بيدور على ايه ف المكان اللي عايزه وايه العيب اللي يقدر يتكيف معاه و ايه العيب اللي لا يستحمل
انا بالنسبالي ف المكان ده على المستوى التيكنيكال اتعلمت كتيير وكنت بطلب كمان اتعلم حاجات كانت بتكلفهم فلوس و مش محتاجنها لسة ومع ذلك كانوا بيوافقو والناس اللي اشتغلت معاها ان كانت من نفس التيم او تيمز تانية كلها فعلا من احسن الناس و محدش بيبخل بمعلومة عن حد
و على المستوى الشخصي انا مريت بظروف كتير ف المكان ده و دايما كنت بلاقي تقدير ليا من تعب او حمل او وفاة او حتى بعد الولادة وظروف بنتي .. يمكن ساعة كل ظرف ببقي شايفه انه من حقي بس لما باجي ابص ع الموضوع من بعيد بلاقي كمية ظروف انا مريت بيها و اتوافق عليها كان ممكن اي شركه خاصه تانيه تقولي شكرا من زمان بالعكس محصلش منهم كدة ودايما بيشيلو اللي عنده ظرف
ReplyDeleteو بالنسبة للي مكتوب ففي بعض النقط انا اتعرضلها ونقط عمري مشفتها زي لوازم المطبخ والحمام بالعكس اي حاجة بتكون ناقصة كان لازم تيجي ف ساعتها ولو خلصت بيحصل مشكلة ان متجبش بدالها بسرعة وده حصل قدامي
اما النقط اللي اتعرضت ليها زي اجازة الوضع بما اني احتاجت ليها انا اخدها كاملة وطلبت عليها شهر كمان زيادة والموضوع اتوافق عليها بكل سهولة و بالنسبة للمكنش عندهم تاسكات اول موضوع الكورونا و بما انهم امهات ف اخدوا اجازة بدون مرتب بسبب قفل الحضانات ف انا برضه حصلي كدة ومش عارفة لو صاحب الرڤيو يقصدني وانا مطلبتش من حد يكتب مشكلتي بابلك عشان وقتها انا اتكلمت مع الادارة علطول ف موضوعي و كانو بيوصلو معايا لحل وسط يرضيني ويرضيهم وده معناه ان دايما باب الادارة مفتوح لأي حد و أي وقت
واخيرا اللي بأكد عليه ان الادارة اي وقت اي حد محتاج او مضايق من حاجة بتسمعه و لو مش ب ايديهم ع الاقل بيوصلو لحل وسط